di Mario Basolu in arte Malam (Nuoro)





Sa die ‘e su zudissiu s’acurziat abbellu abbellu

l’amus iscrittu nois su capitolu ‘e s’ifferru

frammas amus arziau non b’at remediu a custu irballu

gherras nucleares armas droga e dinare

ite amus balanzau dae custu pattu chin su diaule

pezzi birgonzas a su mancu depies ammentare

chi cada cosa torrat in dae secus e a pacare

non bastat una vida a l’aconzare su milleniu

cand’azzes biu su diaule l’azzes dau su benebenniu

azzes mutiu boisi su macchighine a s’appellu

manos in conca e pessamentos a muntones

trumentos e dizizzos oje pesan a cantones

bastat un’ischinzidda pro allughere su papiru

papiru chi oje manzo e beridades e resones

paragulas chi contan sa vida in su dolore

amus connottu su desertu chircande sos frores

frores chi perdene sas fozzas in iverru

fozzas chi tuccana a passizzu cando iffora buffat bentu

toccat a nois isseperare su bonu e su malu tempus, chircare aghera bona e isettarre su cambiamentu





 

Mario Basolu in arte Malam